Astrid Lindgren

D Astrid Lindgren (schwedisch: ˈastrɪd ˈlɪŋɡreːn(info); * 14. Novämber 1907 uf em Hof Näs bi Vimmerby as Astrid Anna Emilia Ericsson; † 28. Jänner 2002 z Stockholm) isch e schwedischi Schriftstelleri gsii.

Si gheert mit ere Gsamtuflag vu rund 165 Millione Biecher (Stand: Februar 2019) zue dr bekannteschte Chinder- un Jugedbuechautore vu dr Wält.^[1] Ihri Wäärch sin in aller Wält un 101 verschidene Sprooche uusechuu, dodermit gheert si zue dr maischtibersetzte Autore.^[2][3]

Z Dytschland isch si mit ere Gsamtuflag vu wyt iber 20 Millione Exemplar eso erfolgrych wie chuum en andere Chinder- un Jugedbuechautor. D Schriftstelleri isch di gaischtig Mueter vu dr Pippi Langstrumpf, em Michel vu Lönneberga, dr Ronja Raiberdochter, dr Madita, em Mio, em Kalle Blomquist, em Karlsson vum Dach, dr Chinder vu Bullerbü un vyl andere Figure.

1. ↑ FAQ uf dr offiziälle Syte zue dr Astrid Lindgren (Memento vom 7. Februar 2019 im Internet Archive) uf astridlindgren.com/de abgruefen am 5. Februar 2019
2. ↑ UNESCO Index translationum: [1] (Blatz 18 im Juni 2017)
3. ↑ In wie viele Sprachen wurden Astrid Lindgrens Bücher übersetzt? (Memento vom 7. Februar 2019 im Internet Archive) uf astridlindgren.se